Stærsti viðburður hvers árs í starfi Positive Discipline Association eru hinar árlegu ráðstefnur sem yfirleitt eru haldnar í júlímánuði og kallaðar eru „Think Tank“. Þar mæta leiðbeinendur og áhugafólk um Jákvæðan aga víðs vegar að úr heiminum og verja einni helgi við að afla sér nýrrar þekkingar og miðla af reynslu sinni. Í ár er viðburðurinn í San Diego dagana 28.-30. júlí nk. Félagsmenn í Jákvæðum aga á Íslandi hafa þátttökurétt á viðburðinum og er um að gera að kynna sér málið. Nánari upplýsingar eru á síðu samtakanna www.positivediscipline.org
Dagana 22. og 23. september sl. var haldið námskeið um Jákvæðan aga í leikskólanum í Gerðubergi í Reykjavík. Þátttakendur voru 16 talsins og komu víða að, frá Kirkjubæjarklaustri, Vík í Mýrdal, Hvolsvelli, Reykjavík, Seltjarnarnesi og Hörgársveit. Leiðbeinandi var Jónína Hauksdóttir.
Fyrir skömmu var haldið námskeið í Reykjavík fyrir leiðtoga við innleiðingu Jákvæðs aga í skólum. Það var Nadine Gaudin sem annaðist leiðsögn á námskeiðinu sem tókst hið besta.
Minnum á leiðtoganámskeið í Reykjavík 10. október og 2ja daga grunnskólanámskeið sem haldið verða annars vegar á Vopnafirði/Þórshöfn 28.-29. okt og hins vegar í Reykjavík 4.-5. nóv. jakvaeduragi.is/namskeid-og-fraedsla/namskeid-framundan/